ජපානය විසින් සූර්යයාගේම බලශක්ති ප්‍රභවය අනුකරණය කරන ලොව විශාලතම පර්යේෂණාත්මක න්‍යෂ්ටික විලයන ප්‍රතික්‍රියාකාරකය වන JT-60SA ආරම්භ කරයි
ලෝකයේ ඉල්ලුම සපුරාලීම සඳහා පිරිසිදු ආරක්ශිත සහ දැරිය හැකි බලශක්ති යුගයක ආරම්භය සනිටුහන් කරමින් ජපාන විද්‍යාඥයන් විසින් Nuclear Fusion (න්‍යෂ්ටික විලයනය) තුළට සමීප වී තිබෙනවා.
ඒ ජපාන විද්‍යාඥයන් විසින් ටෝකියෝ නුවරට උතුරින් පිහිටි Naka ප්‍රදේශයේ පවුම් මිලියන 500ක න්‍යෂ්ටික විලයන උපාංගයක් වන JT-60SA ක්‍රියාත්මක කරමිනුයි.
න්‍යශ්ටික විලයනය ලෙස හඳුන්වන්නේ අධික තාපය සහ පීඩනය යටතේ හයිඩ්‍රජන් පරමාණු, බරින් වැඩි හීලියම් පරමාණු බවට විලයනය කිරීමයි.
යුරෝපය සහ ජපානය එක්ව ඉදි කරන ලද සහ දැනට ක්‍රියාත්මක වන JT-60SA ප්‍රතික්‍රියාකාරකය, ප්‍රංශයේ ඉදි වන ITER අවසන් වන තෙක් ලොව විශාළතම විලයන ප්‍රතික්‍රියාකාරකය වනවා.
මෙය සෙල්සියස් අංශක මිලියන 200 (ෆැරන්හයිට් මිලියන 360) අගයක් දක්වා උශ්ණත්වයකට ලඟා වන අතර අනෙක් විලයන ප්‍රතික්‍රියාකාරක මෙන්ම මෙහි ඇති Tokamak කොටස තුළදී හයිඩ්‍රජන් වායුව ප්ලාස්මා බවට පත් වන තෙක් රත් කරනු ලබනවා.
පසුව ශක්තිජනක ප්ලාස්මා අංශු චුම්භක ක්ෂේත්‍ර මගින් සිරවී අධික පීඩනයට ලක්වන අතර මෙම අංශු හීලියම් බවට විලයනය වන විට ඒවා තාරකා මධ්‍යයේ ස්වභාවිකව සිදු වන ක්‍රියාවලිය අනුකරණය කරමින් අති විශාල ශක්ති ප්‍රමාණයක් නිකුත් කරනු ලබනවා.
විලයනය සහ විඛණ්ඩනය එකිනෙකට වෙනස් වන අතර වර්තමාන න්‍යශ්ටික බලාගාර වල භාවිතා වන්නේ විඛණ්ඩනයයි.
විලයනයේ විශේෂත්වය වන්නේ එය විඛණ්ඩනයේදී මෙන් විකිරණශීලී අපද්‍රව්‍ය නිර්මාණය නොකිරීමයි
source :cyberyakku.com