ඔයා දැනට ඉගෙනගන්නවා වෙන්න පුලුවන්, නැත්නම් undergraduate කෙනෙක් වෙන්න පුලුවන්. ඒ කොහොම වුණත් මම හිතනවා ඔයට ආසාවක් ඇති ඔයාටම කියලා වෙබ්සයිට් එකක් හදාගන්න. ඒත් කෝඩින් දන්නෙ නැති නිසා ඔයා ඒ අදහස අත් හැරගෙන ඉන්නවා වෙන්න පුලුවන්. සමහර විට මුදල් ප්‍රශ්ණ නිසා වෙන්නත් පුලුවන්.

ඒත් ඔයා දන්නවද කිසිම කෝඩ් දැනුමක් නැතිවම වගේම කිසිම මුදලක් වියදම් නොකර ඔයාටම කියලා වෙබ්සයිට් එකක් හදාගන්න පුලුවන් කියලා. ඇත්තටම ඔව්. ඒ තමයි Webflow platform එක.

ඉතින් අපි බලමු මොකක්ද මේ Webflow කියන්නේ කියලා.

Webflow කියන්නේ මොකක්ද?

Webflow කියන්නේ cloud-based platform එකක්. මේ හරහා නිර්මාණකරුවන්ට, සංවර්ධකයින්ට සහ අලෙවිකරුවන්ට පුළුල් කේතීකරණ දැනුමක් නොමැතිවම responsive වෙබ් අඩවි නිර්මාණය කරගන්න හැකියාව ලැබෙනවා. visual development tool එකක් විදියට ක්‍රියාත්මක වෙන මේ Webflow, wordpress හා සමානව CMS (Content Management System) පාලනය පරිශීලකයන් හට ලබා දෙනවා. ඒ වගේම තමා මේ Webflow platform එක, Figma design tool එක සමගත් ක්‍රියාත්මක වෙනවා. ඒ කියන්නේ ඔයාට Figma හරහා design කරපු වෙබ්සයිට් එක පහසුවෙන්ම Webflow එකට convert කරගන්න හැකියාව ලැබෙනවා.

Webflow හි ප්‍රධාන විශේෂාංග

Drag-and-Drop Visual Editor: කලින් සඳහන් කරා වගේම Webflow මගින් ඔයාට පුලුවන් කෝඩ් දැනුමක් නොමැතිවම Drag-and-Drop හරහා ඔයාගේ වෙබ්සයිට් එක නිර්මාණය කරගන්න. අනිත් විශේෂම කාරණාව තමා ඔයා මේ විදියට Drag-and-Drop හරහා ඔයාගේ වෙබ්සයිට් එක නිර්මාණය කරගද්දි, Webflow විසින් automatically ම ඒ ඒ දේවල් වලට අදාල HTML, CSS, සහ JavaScript නිර්මාණය කරන එක. ඉතින් ඔයා සාමාන්‍ය කෝඩින් දැනුමක් තියෙන කෙනෙක්නම්, ඔයාට පුලුවන් මේ කෝඩ් වෙනස් කරලා ඔයාට අවශ්‍ය විදියට කෝඩ් වෙනස් කරගන්න.

Responsive Design Tools : Webflow තියෙන අනිත් විශේෂාංගය තමා විවිධ තිර ප්‍රමාණයන් වලට ගැළපෙන ආකාරයට පහසුවෙන්ම වෙබ්සයිට් එක customize කරගන්න හැකියාව ලැබෙන එක. ඩෙස්ක්ටොප්, ටැබ්ලට් සහ ස්මාර්ට්ෆෝන් වල ඔයාගෙ වෙබ්සයිට් එක කොහොමද පෙනෙන්න ඔනි කියලා ඔයාට පහසුවෙන්ම මේ හරහා customize කරගන්න පුලුවන්.

CMS for Dynamic Content: Webflow විසින් CMS පහසුකමත් ලබා දීලා තියෙන නිසා ඔයාලට පුලුවන් blog posts, portfolios සහ අනෙකුත් dynamic content types පහසුවෙන්ම ඒ හරහා කළමනාකරණය කරගන්න.

Hosting සහ SEO Integration: Webflow විසින් secure hosting සහා built-in SEO tools සපයන නිසා ඔයාලට පුලුවන් පහසුවෙන්ම search engines තුළ site performance සහ visibility වැඩිදියුණු කරගන්න.

courses and certifications: Webflow ගැන දන්නේ නෑ කියලා ඔයාලට බය වෙන්න කිසිම කාරණාවක් නැහැ. මොකද එයාලා මේ Webflow එකටම අදාල courses සහා certifications ඔවුන්ගේ platform එක තුළ ඇතුළත් කරලා තියෙන නිසා. ඉතින් ඔයාලට පුලුවන් මේ courses බලලා අයිඩියා එකක් අරගෙන certifications ටෙස්ට් එක කරලා certifications අරගන්න.

ඔයා මේ Webflow ගැන ඉගෙන ගන්න කැමතී නම් මුලින්ම, courses වල තියෙන webflow 101 course එක ට්‍රයි කරන්න. මොකද මේ පැය දෙක හමාරක වගේ පොඩි course එක හරහා බේසික් වෙබ්සයිට් එකක් හදන විදිය, අදාල ටූල් සමගම  කවර් කරන නිසා ඔයාලට පහසු වෙයි.

Webflow වැදගත් වන්නේ ඇයි?

No-Code Movement: Webflow සංවර්ධකයින් නොවන අයට නවීන වෙබ් අඩවි නිර්මාණය කරන්න පහසුකම් ලබා දීලා තිබෙනවා.
Job Demand: Webflow මේ වෙනකොට බොහෝ ව්‍යාපාර විසින් භාවිතා කරනවා. Webflow ජොබ් වේකන්සි ඕන තරම් ඔයාලට ඉන්ටනෙට් එකේ බලන්න පුලුවන්. Webflow ගැන හොද අයිඩියා එකක් ඔයාට තියෙනවා කියන්නේ පහසුවෙන්ම ජොබ් එකකට ඇප්ලයි කරන්න පුලුවන්. (higher qualification සමග)

Courses, Certificates, and Learning Resources

Webflow විසින් Webflow University හරහා නොමිලේම educational resources ලබා දෙනවා. design fundamentals, CMS implementation, and SEO optimization වගේ ටොපික් ක්වර් කරන නිසා ඔයාලට මේ හරහාම Webflow ගැඹුරටම ඉගෙන ගන්න හැකියාව ලැබෙනවා.

ඉතින් Webflow විසින් testing සහා experimentation සදහා ෆ්‍රී ප්ලෑන් එකක් ලබා දෙන නිසාම ඔයාලට Webflow භාවිතා කරලා හොද අයිඩියා එකක් ගන්න පුලුවන්.

webflow university

webflow dashboard

source :cyberyakku.com