Meta විසින් දැන්වීම්-රහිත Instagram හෝ Facebook සඳහා මසකට $14 අය කිරීමට සැලසුම් කරයි

Instagram සහ Facebook පරිශීළකයන්ට, එම යෙදුම් දැන්වීම්-රහිතව භාවිතා කිරීමට මසකට $14ක් ගෙවීමට සිදු විය හැකි බව Meta ප්‍රකාශ කරනවා.

ඒ අනුව යුරෝපයේ Instagram සහ Facebook පරිශීළකයන්ට එම යෙදුම් දැන්වීම්-රහිතව භාවිතා කිරීම සඳහා මසකට €13 ( ආසන්නව Lkr 4,500 ) මුදලක් ගෙවීමට සිදු වෙනවා.

Meta ට අනුව දැනට මාසික Facebook භාවිතා කරන්නන් මිලියන 258ක් සිටින අතර Instagram සඳහා සෑම මසකම පරිශීළකයන් මිලියන 257 පමණ සිටිනවා.

මෙම ගෙවීම් සැළැස්ම යටතේ Desktop භාවිතය සඳහා මසකට €10 (ආසන්නව Lkr 3,300) ගෙවීමට සිදු වන අතර ජංගම උපාංග සඳහා මසකට €13 (ආසන්නව LKR 4,500) ගෙවීමට සිදු වෙනවා.

එසේම සෑම අතිරේක ගිණුම් සඳහා (Additional linked accounts) අමතර €6ක් (ආසන්නව LKR 2,000) ද ගෙවීමට සිදු වෙනවා.

App store සහ Google play store මගින් අය කරන කොමිස් සඳහා Meta හට දායක වීමට සිදු වීම මෙම ගෙවීම් සැළැස්ම සඳහා හේතුව ලෙස ඔවුන් පවසනවා.

source :cyberyakku.com