සිය “suicide capsules” එක ප්රථම වරට මෙම වසරේදී භාවිතා කරන බවට Dr Death ප්රකාශ කරයි
![සිය “suicide capsules” එක ප්රථම වරට මෙම වසරේදී භාවිතා කරන බවට Dr Death ප්රකාශ කරයි](https://digitalpress.fra1.cdn.digitaloceanspaces.com/svrsi62/2023/08/1638884503-cover-image-o-meta.webp)
Dr. Death ලෙස හඳුන්වන ආචාර්ය ෆිලිප් නිට්ෂ්කේ විසින් වේදනා රහිත මරණයක් සඳහා නිර්මාණය කරන ලද Sucide capsule එක මෙම වසරේදී භාවිතා කිරීමට සූදානම් බවට ප්රකාශ කර තිබෙනවා.
![](https://digitalpress.fra1.cdn.digitaloceanspaces.com/svrsi62/2023/08/52139605-12413791-Australian_euthanasia_advocate_Philip_Nitschke_pictured_also_kno-a-1_1692365682439.webp)
ආචාර්ය ෆිලිප් පවසා තිබුණේ ” අප එය භාවිතා කිරීමට සූදානම්. එය ප්රථම වරට භාවිතා කිරීමට කැමති පුද්ගලයින් ගණනාවක් සමග අපි කතා කළා” යනුවෙනුයි.
$4,000 (£ 3,100) – $8,000 (£ 6,200) අතර වියදමකින් මෙම කැප්සූලය නිර්මාණය කර තිබෙන අතර දැන් එය ස්විස්ටර්ලන්තයේ භාවිතය සඳහා නිකුත් කිරීමේ අවසන් අදියරේ පවතිනවා.
” මෙය භාවිතා කිරීමට පෙර තවත් නීතිමය ගැටළු නොමැති බවට වග බලා ගැනීම සඳහා මම පසුගිය සතියේ ස්විස්ටර්ලන්තයේ සිට අපගේ ස්විස්ටර්ලන්ත නීතිවේදීන් සමග කතා කළා” යනුවෙන් ආචාර්ය ෆිලිප් පවසනවා.
![](https://digitalpress.fra1.cdn.digitaloceanspaces.com/svrsi62/2023/08/74474595-12413791-image-a-2_1692367763183.webp)
එසේම ආචාර්ය ෆිලිප් විසින් මෙම කැප්සූලය ක්රියාත්මක වන ආකාරයද සඳහන් කරනවා.
ඒ අනුව පුද්ගලයෙකු අදාල යන්ත්රය තුළට ගිය පසු ඔහුගෙන් ප්රශ්ණ තුනක් අසන අතර ඔවුන් එම ප්රශ්ණ වලට පිළිතුරු දුන් පසු යන්ත්රය ක්රියාත්මක කිරීමට අදාල බොත්තම එබිය හැකි වෙනවා.
“ඔබ කවුද ? ඔබ කොහේද ? සහ බොත්තම එබුවොත් මොකද වෙන්නේ කියලා ඔබ දන්නවද ? ” යන ප්රශ්ණ තුන මෙම යන්ත්රය විසින් අසනු ලබනවා.
දැනට මෙම කැප්සූලය භාවිතා කළ හැකි එකම රට වන්නේද ස්විස්ටර්ලන්තයයි. ඒ සියදිවි නසා ගැනීම සඳහා 1942 සිට එරට තුළ නීත්යානුකූල නිසායි.
sarco pod භාවිතා කිරීම සඳහා පුද්ගලයෙකු Exit International හී සාමාජිකයෙකු විය යුතු අතර එහිදී ලියාපදිංචිය සඳහා $100 ක මුදලක් වැය වනවා. එයට අමතරව වෙනත් කිසිමා වියදමක් නොමැති වුවත් ස්විස්ටර්ලන්ත නීතියට අනුව, තම ජීවිතය අත් හැරීම සඳහා ඔවුන්ට එසේ කිරීමට මානසික හැකියාවක් තිබිය යුතු වෙනවා.
Source:cyberyakku.com