USB-C charging port සහ AI powered ‘voice isolation’ සහිතව Apple හී iPhone 15 නිළ වශයෙන් නිකුත් කරයි
Apple විසින් ඊයේ දින කැලිෆෝනියාවේ පැවති ‘Wonderlust’ උත්සවයේදී නවතම iPhone දුරකථනය එළිදක්වා තිබෙනවා.
iPhone 15 දුරකථනය USB-C charging port සමග පැමිණෙන බවට Apple විසින් තහවුරු කළ අතර AirPods Pro ද USB-C සඳහා මාරු වී තිබෙනවා.
iPhone 15 සහ iPhone 15 pro සඳහා අඟල් 6.1 ක තිරයක්ද, iPhone 15 plus සහ iphone pro max සඳහා අඟල් 6.7ක තිරයක්ද iPhone මාදිලි සඳහා යොදාගෙන තිබෙනවා.
iPhone 15 සහ iPhone 15 pro දුරකථන පෙර iPhone 14 මාදිලි වලදී යොදාගත් A16 Bionic චිපයෙන් බලගැන්වෙන අතර iPhone 15 plus සහ iphone pro max A17 pro ප්‍රොසෙසරය මගින් බලගන්වා තිබෙනවා.
ප්‍රෝ මාදිලි වල ටයිටේනියම් මිශ්‍ර ලෝහ case එකක් ඇතුළත් බවත්, එය අඟහරු රෝවරයක භාවිතා කරන ද්‍රව්‍යය බවත් මෙයින් ප්‍රෝ මාදිලි සඳහා වැඩි දරා ගැනීමක් ලැබෙන බවත් සමාගම පවසා තිබෙනවා.
මීට පෙර iphone තිරයෙහි ඉහළ පැවති නොච් එකට “Dynamic Island ” ප්‍රතිස්ථාපනය කර තිබෙන බවද සමාගම පවසනවා.
iPhone 15 – රෝස,කොළ,කහ, නිල් සහ කළු යන වර්ණ 5කින් සමන්විත වෙනවා.
මෙහිදී iPhone 15 සඳහා AI powered “Voice isolation” විශේෂාංගය ලබා දී තිබෙන අතර මෙයින් දුම්රියෙහි, බසයෙහි වැනි අධික ඝෝෂාකාරි පොදු ස්ථාන වලදී පවා පැහැදිලිව ඇසීමට ඉඩ සලසනවා.
දුරකථනය $999ක මිලකින් ආරම්භ වන අතර pro max හී මිල $1,199 ලෙස සටහන් වෙනවා.
source : macworld